Միկրոէլեկտրոնիկայի, ՏՏ և հեռահաղորդակցման առարկաների ավագ դպրոցներում դասավանդման ծրագիր | UEICTUEICT
Միկրոէլեկտրոնիկայի, ՏՏ և հեռահաղորդակցման առարկաների ավագ դպրոցներում դասավանդման ծրագիր

Միկրոէլեկտրոնիկայի, ՏՏ և հեռահաղորդակցման առարկաների ավագ դպրոցներում դասավանդման ծրագիր


Ծրագրի մասին

 

Այս նախագիծը իրականացվում է ՏՀՏԳՄ, Սինոփսիս Արմենիա, ՎիվաՍել-ՄՏՍ, Յոինիքոմփ ընկերությունների և ՀՀ կրթության և գիտության նախարարության կողմից։
Ծրագրի նպատակն է ուշադրություն հրավիրել տեղեկատվական ու հեռահաղորդակցական տեխնոլոգիաների (ՏՀՏ) արդյունաբերությանը՝ որպես երկրի տնտեսական և գիտատեխնիկական զարգացման առանցքային տարրերից և առաջնահերթ ուղղություններից մեկը։ Նպաստել տեխնիկական ուղղվածությամբ ավագ դպրոցների աշակերտների արդյունավետ մասնագիտական կողմնորոշմանը՝ նրանց ծանոթացնելով ՏՀՏ դերին աշխարհում տեղի ունեցող գիտական և տեխնոլոգիական զարգացումներում:

Պիլոտային ծրագիրը իրենից ներկայացնում է ՏՀՏ առարկաների ներդնումը հանրակրթական դպրոցների ավագ դասարաններում։ Հատուկ ուշադրություն է հատկացվում հայ երիտասարդների համար առավել լավ հնարավորությունների ստեղծմանը՝ տեղեկատվական տեխնոլոգիաների, հեռահաղորդակցության և միկրոէլեկտրոնիկայի ոլորտում ապագա մասնագիտական ընտրության համար:

Ծրագիրը իր մեջ ներառում է՝

  • Ուսումնական պլանի մշակում
  • Լսարանների կահավորում (ինտերնետ ցանց, սերվեր, համակարգիչներ, սարքավորումներ)
  • Ուսուցիչների վերապատրաստում

 

Ակնկալվող արդյունքները՝

  • Ժամանակակից տեխնոլոգիական կրթություն դպրոցներում
  • Զարգացած, մրցունակ, մասնագիտորեն կողմնորոշված աշակերտներ
  • Ծրագրի տարածումը Հայաստանի բոլոր ավագ դպրոցներում մինչև 2025 թվականը:

Այս նախագիծը մեկնարկել է 2015 թվականից և արդեն իրականացվում է Հայաստանի 10 դպրոցներում.

2015-2016

  • «Ֆոտոն» վարժարան (Գյումրի),
  • «Քվանտ» վարժարան,
  • Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոց,
  • ՀԱՊՀ Երևանի ավագ դպրոց,
  • Արտաշես Շահինյանի անվան ֆիզիկամաթեմատիկական հատուկ դպրոց

 2016-2017

  • Մխիթար Սեբաստացի կրթահամալիր,
  • 198 ավագ դպրոց,
  • ՀԱՊՀ Գյումրու մասնաճյուղ ավագ դպրոց,
  • 105 ավագ դպրոց,
  • Հայ-ռուսական (Սլավոնական) համալսարանի «Ուսմունք» դպրոց