U E I C T

«Արհեստական բանականություն» դասընթաց Հայաստանի ավագ դպրոցներում

2015 թվականից ՀՀ ավագ դպրոցներում ներդրվեց ՏՀՏ առարկաների՝ ՏՏ, Հեռահաղորդակցության հիմունքներ և Միկրոէլեկտրոնիկա, ուսուցման ծրագիրը, որն արդեն իրականացվում է 10 ավագ դպրոցներում։ Այս տարի նախատեսվում է նոր առարկայի՝ Արհեստական բանականության ներդնումը։ Ծրագիրն իրականացվում է Վիվա-ՄՏՍ, Յունիքոմփ և Սինոփսիս ընկերությունների աջակցությամբ։

Ելնելով COVID-19 պայմանավորված իրավիճակից՝ Արհեստական բանականության դասընթացը ամբողջությամբ թվայնացվեց, ինչի շնորհիվ, և՛ դասատուները, և՛ աշակերտները հնարավորություն կունենան անկախ իրավիճակից հեշտությամբ յուրացնել նոր առարկան։

Ուսանողների համար բացահայտելով STEM-ը (Գիտություն, Տեխնոլոգիա, Ճարտարագիտություն և Մաթեմատիկա) և տալով նրանց հնարավորություն ուսումնասիրելու STEM-ի հետ կապված կանոնակարգերն ու հասկացությունները, նրանց մոտ կառաջանա դրա նկատմամբ բուռն հետաքրքրություն և STEM ոլորտում աշխատանք գտնելու մեծ ցանկություն։
STEM առարկաների դասավանդումն ավագ դպրոցներում հնարավորություններ է բացում ուսուցիչների և ուսանողների առաջ՝ դառնալու վաղվա օրվա թելադրողն ու շարժիչ ուժը։ Գիտության, տեխնոլոգիայի, ճարտարագիտության և մաթեմատիկայի բնագավառում ամուր կրթական հիմք ունեցող երեխաները շարունակելու են անբաժանելի դեր ունենալ Հայաստանի գլոբալ մրցունակության և տնտեսական կայունության մեջ։