U E I C T

ՀՀ ԲՏԱ նախարարի պաշտոնակատար Հայկ Չոբանյանն այցելեց«Խելացի լուծումների կենտրոն»

ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը հուլիսի 30-ին այցելել է Պոլիտեխնիկ (ՀԱՊՀ):

Հ․ Չոբանյանը շրջել է ՀԱՊՀ-ի 9-րդ մասնաշենքում հիմնված «Խելացի լուծումների կենտրոնի»՝ ժամանակակից սարքավորումներով հագեցած լաբորատոր լսարաններով, որտեղ մեր Միության անդամները ներկայացրել են ընթացիկ և ապագա ծրագրերը, ծանոթացրել կենտրոնի կողմից բարձր տեխնոլոգիական տարբեր ուղղություններով իրականացվող դասընթացներին և վերապատրաստման ծրագրերին։

Նա նշեց․ «Այսօր մեր ամենամեծ խնդիրներն ու բոլոր լուծումները կրթության ոլորտում են։ Պոլիտեխնիկը պետք է դառնա արդյունաբերության թիվ մեկ հենարանը և արդյունաբերությունն առաջ տանող թիվ մեկ դրոշակակիրը։ Այս համալսարանի միջազգայնացումը կրիտիկական նշանակություն ունի։ Այս կազմով, որտեղ ներկա են Կառավարությունը, համալսարանը և ոլորտը, ամենաբարձր հավակնությամբ պետք է մեր առջև խնդիր դնենք, որպեսզի Պոլիտեխնիկը դառնա աշխարհի ամենաբարձր կրթական որակ ապահովող հաստատություններից մեկը։ Մինչև 2021 թվականի ավարտը պետք է ունենաք Պոլիտեխնիկի համապարփակ զարգացման ծրագիրը»։

Օրացույց

Դեկտեմբերի 2022
Ե Ե Չ Հ Ու Շ Կ
 1234
567891011
12131415161718
19202122232425
262728293031