U E I C T

Վիկ Կելլերը հանդիպեց ՏՀՏ գործատուների միության խորհրդի հետ

ՏՀՏ գործատուների միության խորհրդի անդամները, ՀՀ ԲՏԱ փոխնախարար Արմեն Աբրոյանը, հունվարի 17-ին  հանդիպեցին Օպտիմ ընկերության գլխավոր գործադիր տնօրեն Վիկ Կելլերի հետ:

Վիկ Կելլերը Հայաստանում էր երկoրյա  այցով, որի նպատակն էր ծանոթանալ Հայաստանի ՏՀՏ համայնքի հետ, ուսումնասիրել ոլորտը և հետագա զարգացման հեռանկարները:

Հանդիպման ընթացքում ՏՀՏ գործատուների միության նախագահ Արմեն Բալդրյանը ներկայացրեց Միության գործունեությունը, իրականացվող ծրագրերը և հետագա նախագծերը:

«2019 թվականի դեկտեմբերին Միությունը իրականացրեց երկու նոր նախագիծ՝ Silicon Mountains միջազգային տեխնոլոգիական հաաժողովը և Խելացի լուծումների կենտրոնի բացումը ՀԱՊՀ-ում:

Միությունը ակտիվորեն համագործակցում է ԲՏԱ նախարարության հետ տարբեր ուղղություններով և ընդգրկված է տարբեր աշխատանքային խմբերում: Միությունը, ընդլայնելով իր գործունեությունը հիմնել է նաև մարզային կենտրոն Գյումրիում»,- նշեց Արմեն Բալդրյանը:

Փոխնախարար Արմեն Աբրոյանը ներկայացրեց նախարարության կողմից իրականացվող ծրագրերը և գործունեության թիրախային ուղղությունները: Փոխնարարը նշեց, որ նախարարության նոր ռազմավարությամբ նախատեսվում է  աջակցել ոչ միայն նորաստեղծ այլ, նաև խոշոր կազմակերպություններին:

ՏՀՏ գործատուների միության խորհրդի անդամների հետ հանդիպումից հետո Վիկ Կելլերը այցելեց Սինոփսիս Արմենիա ընկերության գրասենյակը:

Օրացույց

Հուլիսի 2022
Ե Ե Չ Հ Ու Շ Կ
 123
45678910
11121314151617
18192021222324
25262728293031