U E I C T

ՏՀՏ գործատուների միության անդամները հանդիպեցին Հակոբ Արշակյանի հետ

ՏՀՏ գործատուների միության անդամները հանդիպեցին ՀՀ տրանսպորտի, կապի և ՏՏ նախարար Հակոբ Արշակյանի և նախարարի տեղակալ Գեղամ Վարդանյանի հետ:

Հանդիպման ընթացքում նախարարը ներկայացրեց նոր ստեղծվող նախարարության կառուցվածքը: Նշեց, որ նախարարությունը իր գործունեության հիմնական շեշտադրումը դնելու է երեք ուղղությունների վրա՝ անվտանգության մակարդակի բարձրացում, նորարության միջոցով տաղանդի արտահոսքի կանխում և կենսամակարդակի աճ: Կարևորվելու է նաև տեխնոլոգիական համագործակցությունը այլ երկրների հետ:  Նախարարության ներսում ստեղծվելու են ոլորտային աշխատանքային խմբեր, որոնց մեջ ներգրաված են լինելու բիզնեսի և Միության ներկայացուցիչները:

Հանդիսանալով Հայաստանի ՏՀՏ ոլորտի խոշոր գործատուներին միավորող կառույց,  Միության ղեկավարությունը պատրստակամություն հայտնեց աջակցել նախարարությանը:

Նախարարին ներկայացվեց Միության նպատակներից մեկը՝ հիմնարար կրթության բարելավումը, կապելով արդյունաբերությունը կրթության հետ: Այդ համատեքստում կարևորվում է քառակողմ համագործակցությունը՝ արդյունաբերություն, Միություն, կրթական հաստատություններ և պետություն:

Ներկայացվեց երրորդ սերնդի համալսարանի ստեղծման գաղափարը՝ ՀԱՊՀ-ի հենքի վրա: Համալսարանի ստեղծման առաջին քայլերից է ՀԱՊՀ-ում Խելացի լուծումներ ամբիոնի ստեղծումը:

Քննարկվեցին մարզերի զարգանցման ուղղությամբ անհրաժեշտ քայլերը և միջոցառումները:

Հանդիպման ընթացքում Միության անդամները ներկայացրեցին միջազգային համագործակցության ուղղությամբ Միության կողմից իրականացվող քայլերը, ՀայՏեք կենտրոնի գործունեությունը, ոլորտում և օրենսդրական դաշտում առկա խնդիրները:

Կողմերը պայմանավորվեցին այսպիսի հանդիպումները դարձնել պարբերական:

Օրացույց

Հուլիսի 2022
Ե Ե Չ Հ Ու Շ Կ
 123
45678910
11121314151617
18192021222324
25262728293031