U E I C T

ՏՀՏ գործատուների միության խորհրդի հայտարարությունը

Սեպտեմբերի 27-ի վաղ առավոտյան Ադրբեջանը լայնածավալ օդային, հրթիռահրետանային և ցամաքային հարձակում է սկսել արցախա-ադրբեջանական շփման գծի ողջ երկայնքով՝ թիրախավորելով նաև բազմաթիվ քաղաքացիական բնակավայրեր ու ենթակառուցվածքներ, այդ թվում՝ մայրաքաղաք Ստեփանակերտը: Պատերազմը ընթանում է ոչ միայն մարտի, այլ նաև տեղեկատվական դաշտում՝ ներառյալ բոլոր սոցիալական հարթակները:

Ադրբեջանը՝ հավատարիմ մնալով իր ագրեսորի կեցվածքին, միջազգային հումանիտար իրավունքի նորմերի ոտնահարմամբ հերթական անգամ դիմել է հրադադարի ռեժիմի խախտման:

Հաշվի առնելով ստեղծված ռազմաքաղաքական իրավիճակը, ՏՀՏ գործատուների միությունը կոչ է անում միության բոլոր անդամ կազմակերպություններին, ինչպես նաև համայն հայությանը՝ ամբողջ ներուժով սատարելու Հայաստանի և Արցախի կառավարություններին, Պաշտպանության նախարարությանը և Պաշտպանության բանակին՝ ագրեսիան կանգնացնելու իրենց ջանքերում:

ՏՀՏ գործատուների միության բոլոր անդամ կազմակերպությունները անխափան իրականացնում են իրենց աշխատանքը և պատրաստակամ են իրենց մասնագիտական գիտելիքներով, փորձով և գործիքակազմով աջակցելու ՀՀ և ԱՀ կառավարություններին:

ՏՀՏ գործատուների միության վարչություն

Օրացույց

Հուլիսի 2022
Ե Ե Չ Հ Ու Շ Կ
 123
45678910
11121314151617
18192021222324
25262728293031