U E I C T

ՏՀՏ գարծատուների միությունը մասնակցել է բարձր տեխնոլոգիական ոլորտի զարգացման օրենսդրական նախաձեռնության հանրային քննարկմանը

ՀՀ բարձր տեխնոլոգիական արդյունաբերության նախարարությունում փետրվարի 23-ին տեղի է ունեցել բարձր տեխնոլոգիական ոլորտի զարգացման օրենսդրական նախաձեռնության հանրային քննարկում, որին մասնակցել են ՏՀՏ գործատուների միության նախագահ Արմեն Բալդրյանը, Խորհրդի անդամներ Հովիկ Մուսայելյանը, Հայկ Ֆարամազյանը և Միության անդամ Արմեն Տեր-Տաճատյանը, ինչպես նաև այլ  տեխնոլոգիական համայնքի ներկայացուցիչներ:

Հանդիպմանը ներկա է եղել ՀՀ ԲՏԱ նախարարի տեղակալ Ռուբեն Սիմոնյանը: Նա ընդգծել է նման ձևաչափով հանդիպումների կարևորությունն ու համայնքի հետ ուղիղ երկխոսությունը:

Քննարկման ընթացքում ներկայացվել են օրենսդրական նախաձեռնության տնտեսական հիմնավորումները, հարկային արտոնությունների շնորհիվ արձանագրված բարձր տեխնոլոգիաների ոլորտի աճի դինամիկան 2018-2022թթ.-ին, ԲՏ ոլորտի զարգացման դրական ազդեցությունը տնտեսության տարբեր ճյուղերի վրա:

Այս և նախորդ հանրային քննարկումների ընթացքում բարձրաձայնված հարցերը, ոլորտի զարգացման հետ կապված մտահոգությունները, հնչած մտքերն ու առաջարկները հաշվի կառնվեն օրենսդրական նախաձեռնության շրջանակներում: